تحيا مصر
كل آه صبر عصر القلب عصر
كل سجدة شكر لله بعد نصر
كل نعمة عرفتها فى كوخ أو فى قصر
كل دى بتنشد وتهتف تحيا مصر
كل آه صبر عصر القلب عصر
كل سجدة شكر لله بعد نصر
كل نعمة عرفتها فى كوخ أو فى قصر
كل
عاشق غنى زغرودة الربيع
كل صدر يحن للطفل الرضيع
كل نظرة فى جدول الحسن البديع
كل دى بتنشد وتهتف تحيا مصر
كل نبضة قلب بتبكى السواقى
كل لحظة قرب بتروى الشراقى
كل نسمة فى حضن بسمة فى يوم تلاقى
بالحبايب حبهم طهر وفضيله
ينسجو بورد الصبا فوقهم خميله
من جدايل هفهفت فى بيوت أصيله
لحنهم ويا الزمن فلتحيا مصر
كل زاهد فوق جبل قاعد يصلى
كل قاصد للغطا فى ساعة تجلى
كل عابد ربه بلسان حاله قلى
مصر أم الانبيا والمرسلين أم ماريه وهاجر
والسنيين
أم أعلام الهدى فى كل دين
مصر حضرة فى رايه خضره فلتحيا مصر
كل مدنة منورة فى ساحة بلدنا
كل زرعة قطن بتزود مددنا
كل برقوقة وفرولة فى ايد ولدنا
كل دوم غنوة تغنى تحيا مصر
كل مدفع طلقته الله أكبر
كل محرات جرته تقول بكره أكبر
كل غيط من نيل شرب سبح وكبر
كل رخه حنينه جات من السحاب
كل خوخة ملونه بتعمل شراب
كل مرة الشمس جات بعد الضباب
كلمة السر اللى فيهم تحيا مصر
روح بلادى فى كل شاب وكل شابه
كل بيت قايم على الخير والمحبة
كل قشرة سنبلة وفى كل حبة
شعلة من نور الهدى تغنى الاذان
رتلت وياها طلقات الميدان
كبرت فيها الشواشى والعيدان
مصر حدوته وحقيقة تحيا مصر
مصر روضة معطرة بزهر الليمون
مصر أبو سنبل هرم فوق الفنون
مصر فى الكرنك وسقارة وآمون
فى المعابد فى الكنايس فى الجوامع
فى الحمام بيغنى فرحان بالصوامع
مصر محراب الزمن فلتحيا مصر
مصر فى التوت المسكر وفى شرابه
مصر فى النصر اللى جه مكتوب كتابه
مصر فى النوبة فى معابدها الجميلة
مصر فى الساحل شبك له الف حيله
مصر درع وسيف وعيون كحيلة
مصر أم الحسن كله تحيا مصر
مصر بين أهل الهدى هى الدليل
أرضها جنة وترابها سلسبيل
مصر أم النيل سقت سيدنا الخليل
سيدنا يوسف سيدنا موسى سيدنا عيسى شافوا مصر الحلوة غنوة فى توب عروسة
مصر أم الدنيا أمى تحيا مصر
مصر فى التوراه وفى الانجيل معانى
مصر فى القرآن وفى السبع المثانى
مصر فى الروضة وفى الكعبة مغانى
مصر كعبة فن من النبع صافى
مصر فيه الشعر موزون القوافى
مصر فيها ربنا كافى وشافى
مصر دى بلادى أنا فلتحيا مصر
#تحيا _مصر
ليست هناك تعليقات:
إرسال تعليق